Anna Dögg mín kærasta vinkona er að koma á morgun!!! Ég hætti kl. 12 í vinnunni og sæki hana niður á centralinn (=lestar/rútstöðina). Ohh það verður svo gaman. Verst hvað hún verður stutt, bara yfir helgina. En ég er með þvílík plön um notalegheit og heitt súkkulaði og jóladót og gufulest...já ég sagði gufulest! Spennandi.
Var að koma af kóræfingu. Maggi hélt áfram niður í bæ því hann ætlar að taka næturrútu til Gautaborgar. Er að fara í próf í fyrró og kemur svo með flugi annað kvöld. Nóg að gera á öllum vígstöðvum. Hann stingur þessu prófi sko í nösina ég er viss um það. Ég kom heim og rassakastaðist aðeins í hreingerningum. Skellti svo köldum fiskafgöngum í örrann og stappaði fisk og kartöfflur og smjör.MMMMMMMMM það má þegar Maggi sér ekki til *glott*.
Nú er klukkan löngu orðin háttatími og best að leggjast á koddann og reyna að vera ekki allt of einmana í nótt.
Hrafnhildur tilvonandi föðursystir
Engin ummæli:
Skrifa ummæli