Þá er ég búin að vinna í rúma viku. Gengur vel þó að tveir fyrstu skjólstæðingarnir hafi ekki mætt í gær. Hélt kannski að ég hefði verið plötuð til að láta mig HALDA að ég væri að fara að vinna sem talm.fræðingur en fengi svo ekkert að gera... eða þannig. Mér finnst ég búin að gera rosa mikið þó ég sé bara búin að hitta 3 börn (því eitt mætti ekki heldur í dag). Hringja á leikskóla, gefa foreldrum ráð, skrifa skýrslur og halda öllum pappírum í röð og reglu... rosa vinnandi kona sko.
Í gær hélt ég að ég mundi rata í matsalinn sjálf. Gerði það reyndar en svo þegar ég ætlaði til baka lenti ég á öllum öðrum deildum en barnadeildinni. Samt telst þetta lítið sjúkrahús. Í dag vann ég í heilar 15 mín yfir og rölti svo niður í miðbæ Södertälje (þar sem ég vinn) til að skoða mig um. Maggi er nefninlega með sína fyrstu kóræfingu í kvöld svo ég vissi að ekkert nema pappakassar og drasl biði mín heima. Miðbærinn er svona eins og Laugarvegurinn og ég fór og keypti bókina sem við töluðum um Anna Dögg: Svo fögur bein. Hún er faktískt eftir sænskan höfund! Ég vissi það ekki. Er nr. 5 á toppsölulistunum hérna og heitir "Flickan från ovan" á sænsku. Hlakka til að fara að lesa hana. Er reyndar að klára Flateygjargátuna núna. Alveg ágætis lesning og auðlesin. Dáltið spennó núna.

Svo þegar ég kom á lestarstöðina voru svakalegar seinkanir og vesen og eftir að hafa verið einn og hálfan tíma á leið heim kom ég að hjólinu mínu án hnakks! Búið að stela hnakknum af hjólinu!!! Engu öðru. TIL HVERS? Ég hjólaði nú samt heim standandi. Hef ekki hugmynd um hvar maður kaupri hnakk í þessum bæ sem ég bý í.... ohhhhh vesen.

Vikan hefur liðið hratt og um helgina ætla ég að hitta Önnu Å og Johan sem komu í brúðkaupið. Þau eru í kórferð í Stokkhólmi. Maggi verður í æfingarbúðum með Mikaelikórnum sem hann komst inn í. Hann er svo bestur hann Maggi. á að syngja 1. bassa!! Ætli ég reyni ekki að koma íbúðinni í betra ástand líka. Svo manni fari að líða eins og heima hérna.

Best að fara að horfa á danskan sakamálþátt og svo í rúmið ekki seinna en tíu!
Þakka áheyrnina