Enda sló mér niður! Maður á aldrei að fara í vinnuna á föstudegi ef maður hefur verið heima á fimmtudegi! það er lærdómurinn sem maður dregur af þessu. Og nýja mottóið mitt er "á morgun" (segir sá lati)! Stend sjálfa mig að því að segja þetta um það bil 7 sinnum á dag. Veit ekki hvort ég hef alltaf verið svona löt, en nú er þetta allavega komið út! Kannski ástæðan sé að ég er þreytt eftir vinnuna, en ég ætla samt að segja þetta með stolti: ég er löt!!!

Byrjaði t.d. áðan að setja brúðkaupsmyndir í albúm. Þær eru ekki nema um 200 svo þetta er ekkert mál. Svo eftir 3 bls af þvílíku skipulagi og lími og klippi þá hætti ég bara. "Nennti" ekki lengur! Á morgun segir sá lati. Og ekki sé ég neinn hnakk á hjólinu mínu þó honum hafi verið stolið fyrir meira en viku! Og tómu pappakassarnir á ganginum liggja þar þangað til á morgun. Gott á þá.