Allt gott að frétta eftir heimsókn hjá ljósu. Ég er með allt í fullkomnu lagi, öll próf svo svaðalega normal og engin ástæða til að setja mig af stað hehehe! Ein sem var að vona... (Reyndar var blóðsykurinn dálítið hár og skildi þá ekki vera kökan sem einhver borðaði óvart í morgunmat :S) Svo eigum við einn tíma í viðbót bókaðan en ég kvaddi innilega og sagðist ekki koma aftur, ég mundi vera búin að eiga barn þá (1.des!) Hún samþykkti það alveg og bað okkur að senda póstkort frá Íslandi! Því miður lítur ekki út fyrir að bumban lækki eitthvað, hún sagði allavega að ég mundi sennilega finna mjög lítið fyrir því. Þá er bara að halda áfram að sofa á vinstri. Mamma sagði mér svo frá einni sem setti plastpoka undir lakið hjá sér til að eiga auðveldara með að snúa sér, og spurning um að prófa það bara í nótt! Eitt stykki svartan ruslapoka... þá er maður líka í góðum málum ef vatnið fer!
Nú ætlum við hjónakornin að slökkva á sjónvarpinu, setja góða tónlist á og ráða aðeins krossgátu.
Engin ummæli:
Skrifa ummæli