Þá er þetta bara að bresta á allt saman. Æfing með prestinum á eftir og vínsmökkun í kjölfarið. Ég get einhvern vegin ekki sett mig inní þessi vínmál! Heilinn tekur ekki við meiru, en eitthvað er fjölskyldan að tala um afslætti hér og þar og athuga hitt og þetta og ekki láta gabba sig o.s.frv. Ég fer nú samt og smakka þessi vín og svo verða bara hinir að ráða... áfengi er áfengi ekki satt?
Ég er allavega orðin þokkalega stressuð og vildi bara að það væri kominn laugardagur... Skrýtið að verða svona stressuð löngu fyrirfram en þetta er nú víst í genunum og ekki getur maður skipt á þeim. Svo var ljósmyndarinn að hringja áðan og hafa áhyggjur af veðurspánni. Þetta er nú eitthvað misvísandi eins og vanalega; sums staðar er spáð rigningu, annars staðar björtu veðri. Þetta verður nú bara að koma í ljós. Gaman væri nú samt ef það væri gott veður. Að hann héngi þurr eins og maður segir. Þá verða allir svo glaðir og góðir. Strákurinn í Heiðrúnu í gær fullyrti að það væri alltaf minna drukkið af áfengi þegar sólin skini. Örugglega rétt hjá honum. Fólk verður bara hífað af sólinni og birtunni. Hann var mjög skemmtilegur þessi strákur. Þeir voru reyndar tveir að stjana við okkur og fóru svo aðeins afsíðis til að gera grófan útreikning á heildarkostnaði. Komu svo til baka og sögðu að þetta væru um 317.þúsund!!!!!!!!!!!!!!!!!!!!!! Við misstum andlitið og ég varð máttlaus í hnjánum. Svo sagði hann auðvitað bara "djók"! Smá grín svona til að lyfta upp stemningunni! Góður þessi!
Verst ef verður svo mikil rigning að það verður ekki hægt að týna blómin á morgun!
Hver heldur að það verði gott veður á laugardaginn? Þeir sem giska á rétt veður fá vegleg verðlaun! Kjörstað verður lokað annað kvöld (fimmtudag). Gjöriði mér svo vel:
Engin ummæli:
Skrifa ummæli